Ақтөбеде «HALYQ SAÝDA» шағын көтерме сауда орталығының тағы бір дүкені ашылды
Ақтөбеде «HALYQ SAÝDA» шағын көтерме сауда орталығының тағы бір дүкені ашылды
Тұрғындар қалашығы ауданындағы Ленинград көшесі, 51 үйде орналасқан екінші дүкеннің ашылуына облыс әкімі Оңдасын Оразалин қатысып, «HALYQ SAÝDA» шағын көтерме сауда орталығының 20 дүкені жобасын онлайн-режимде бастап берді. Бұл жоба «Ақтөбе» ӘКК-ның бастамасымен жүзеге асырылып жатыр. Бірінші шағын көтерме сауда орталығы 2020 жылдың 20-шілдесінде «Малышка» ауданында Зауыт көшесі, 43 ғимаратында ашылғаны белгілі. Дүкен аз уақыттың ішінде халықтың көңілінен шықты.
⠀
HALYQ SAÝDA жобасының басты мақсаты – Ақтөбе қаласы тұрғындарын бағасы қолжетімді әлеуметтік маңызды азық-түлік өнімдерімен қамту. Тауар өндірушілер, ірі дистрибьюторлар және халық арасында делдалдардың жоқтығы азық-түліктің бағасының төмен болуына септік етеді. Әр сауда нүктесі дүкен-қойма түрінде ашылады. Сауда орталығының жұмысын ұйымдастыру кезінде сол аудан тұрғындарының талап-тілегі ескеріледі. Бір дүкен орташа есеппен ауданның 5 мың-30 мың тұрғынына қызмет көрсетуі керек. Өңірлік тұрақтандыру қорының өнімдері осы дүкендерде сатылады.
«Ақтөбе» әлеуметтік-кәсіпкерлік корпорациясы HALYQ SAÝDA жобасын серіктестері: «СХФ Пригородное» ЖШС, «Бриг» ЖШС, Айбек АӨК, «Жазықгрупп» ЖШС, «Рамазан» ЖШС, «БалЮн» ЖШС, жеке кәсіпкер «Қасымов», «Жаңа Әлжан ұн комбинаты» ЖШС-імен бірге жүзеге асырып жатыр.
Бұл жоба аясында 90 жаңа жұмыс орны құрылады. Қариялар мен мүгедек жандарға көмектесу үшін еріктілерді тарту жоспарланып отыр.