Бүгін «Ақтөбе» ӘКК-на Швециядан инвестор келді

«DAHL Sweden Mobile Technology» компаниясының негізін қалаушылардың бірі Сорен Альм индустриялық аймақты аралады, өндіріс орнын ашуға ыңғайлы аумақтың мүмкіндіктерімен танысты. «DAHL Sweden Mobile Technology» компаниясын 2011 жылы екі швед кәсіпкері – Сорен Альм мен Робин Дал құрған. Компания көпшілікке қолжетімді смартфондар мен планшеттер жасап шығарумен айналысады. Енді инвесторлар Қазақстанда «DAHL» швед брендымен мобильді телефондар өндірісін қолға алуды жоспарлап отыр.