«Ақтөбе» әлеуметтік-кәсіпкерлік корпорациясының ұжымы «Қазпошта» АҚ-ның жалақы төлеу жобасына қосылды. Енді қызметкерлердің еңбекақысы әлеуметтік картаға аударылады. «Қазпоштаның» Ақтөбедегі филиал директоры Мәулен Ғабдулқалиев әлеуметтік картаны әріптестерімізге табыс етті.

«Қазпошта» картасының артықшылығы – төлемнің 1 пайызы қайтарылады. Ал, бірқатар серіктес компанияларда 1-ден 15 пайызға дейін бонус бар. Егер тұрғындар әлеуметтік картамен «HALYQ SAÝDA» дүкендерінде сауда жасаса, төлемнің 10 пайызы қайтады. Бұл картамен сондай-ақ қоғамдық көліктерде жолақысын төлеуге болады.