Қызметкерлердің сыбайлас жемқорлыққа қарсы заңнаманы сақтауын қамтамасыз етуге бағытталған іс-шараларды тиімді және жүйелі жүзеге асыру мақсатында Ақтөбе облысы бойынша Сыбайлас жемқорлыққа қарсы қызмет департаментінің өкілі Нұрболат Махмұтов пен «Ақтөбе» ӘКК қызметкерлері арасында профилактикалық кездесу өтті.

Кездесу барысында спикер жүргізіліп жатқан сыбайлас жемқорлыққа қарсы саясат, ағымдағы жобалар, сыбайлас жемқорлық қылмыстарын жасағаны үшін жауапкершілік түрлері, сондай-ақ әркім өз құзыреті шегінде сыбайлас жемқорлыққа қарсы іс-қимыл шараларын қабылдау қажеттігі туралы ақпарат берді.

Сонымен қатар, квазимемлекеттік сектор субъектісінің қызметінде сыбайлас жемқорлыққа қарсы талаптарды сақтау және сыбайлас жемқорлық тәуекелдерін жою мәселелері талқыланды.

«Ақтөбе» ӘКК баспасөз қызметі