Бүгін онлайн сауда жасауға арналған «MY DUKEN» қосымшасы таныстырылды. Бұл азық-түлікті жылдам жеткізетін жаңашыл жоба. «Covid 19» індетіне байланысты күрделі эпидемиялық жағдай кезеңінде тұрғындар халық көп шоғырланатын жерлерден аулақ болуы үшін жасалған.

Жобаның артықшылығы – үйден шықпай-ақ тауарларға тапсырыс  беру мүмкіндігі және төлем жасаудың ыңғайлы әдісі. «Ақтөбе» ӘКК электронды сауда қызметін іске асырып, кәсіпкерлерді серіктес болуға шақырады. Жергілікті тауар жеткізушілер болсын, шетелден тауар тасушылар болсын, өз тауарларын электронды сауда алаңына шығара алады. Біз оларды бөлшек саудаға саламыз. Сайтта әзірге тауарлардың 700 түрі бар. Оларға онлайн тапсырыс беруге болады.