Әлеуметтік ID-картаны қолданушыларға «HALYQ SAÝDA» дүкендерінде 15 пайыз жеңілдік жасалады
Әлеуметтік ID-картаны қолданушыларға «HALYQ SAÝDA» дүкендерінде 15 пайыз жеңілдік жасалады
«Ақтөбе» әлеуметтік-кәсіпкерлік корпорациясы АҚ мен «Қазпошта» АҚ Ақтөбе облыстық филиалы басшылығы ынтымақтастық туралы меморандумға қол қойды.
⠀
«Бұл ID-карта әлеуметтің әлсіз тобына арналған. Жәрдемақы, зейнетақы, басқа да әлеуметтік төлемдер сол картаға түседі. Тұрғындар ID-картамен «HALYQ SAÝDA» дүкендерінде сауда жасаса, төлемнің 15 пайызы шотына кэшбек ретінде қайтарылады. 5 пайыз жеңілдікті «Ақтөбе» ӘКК-ы ұсынып отыр. Біз өз тарапымыздан 10 пайыз қосамыз», – деді «Қазпошта» АҚ АОФ директоры Мәулен Ғабдулқалиев.
⠀
«Ақтөбе» ӘКК АҚ басқарма төрағасы Ермек Имантаев әлеуметтік картаны қолданушылар үшін берілетін жеңілдіктен бөлек, «HALYQ SAÝDA» дүкендерінде азық-түлік бағасын барынша тиімді ету керек деді. Бұл тұрғындарға үлкен көмек болатынын айтты.