Өндіріс орны Алға қаласында орналасқан. Бүгін корпорацияның басқарма төрағасының орынбасары Нұрлан Серікжан құрылыс алаңына барып, польшалық «CERAMIKA PARADYZ» компаниясының ресми өкілімен кездесті.

⠀

Алғалық кәсіпкер, «PTC «Alga» компаниясының басшысы поляктармен өзара ынтымақтастық жөнінде меморандум жасасып, Алғада көрме залы бар «PARADYZ» өндірістік-сауда кешенін салу туралы келіскен. Компанияның 2 гектар жерінде болашақ цехтың ғимараты бой көтерді. Сөйтіп, “Ақтөбе” ӘКК-ның қолдауымен жобаның бірінші кезеңі сәтті аяқталды. Алда тағы екі кезең бар. Бұл инвестициялық жобаның 9,9% үлесі бізге тиесілі.

⠀

Кәсіпорында Алғаның 30 тұрғыны жұмыспен қамтылып, қыштан еуропалық сапалы қасбет термопанельдерін, кафельдің сәндік элементтерін жасайды. Жылына 30 мың панель мен 122 мың кафель тақтайшасы шығарылмақ. Құрал-жабдықтарды польшалық серіктестер жеткізеді.