Италия мен Бразилияның біріккен компаниялар тобы Ақтөбе облысында фармацевтика өндірісін бастауға қызығушылық танытып отыр.  Бұл мәселе «Ақтөбе» әлеуметтік-кәсіперлік корпорациясының басқарма төрағасы Ермек Имантаев пен шетелдік компания өкілі Никола Крепальдидің онлайн-кездесуі кезінде талқыланды. Апеннин түбегінің инвесторлары сондай-ақ, біздің облыс аумағында ірі көтерме-тарату орталығын салуды көздеп отыр. Ал, «қарапайым заттар экономикасы» бағдарламасының көмегімен халық тұтынатын тауарлар шығару мүмкіндігін қарастырып жатыр.

Кездесу барысында Италия инвесторларының отандық футболдың дамуына үлес қосу жайы да сөз болды.