“Ақтөбе” индустриялық аймағында жыл соңына дейін бірнеше өндіріс орны ашылады
Құрылыс алаңында “Ақтөбе” ӘКК басқарма төрағасының орынбасары Ануар Асылов пен құрылыс департаментінің директоры Күнбол Тұрымов болып қайтты.
Сұйытылған газ сақталатын “Газэкспорт” ЖШС газ толтыру бекетінің құрылысы аяқталуға жақын. Инвестиция көлемі – 700 млн теңге. Өндірістің жылдық қуаты – 400 мың тонна. «Aktobe Smart Tech» деректерді өңдеу орталығында монтаждау жұмыстары жүргізіліп жатыр. Орталық 5 петабайтқа дейінгі көлемдегі деректерді сақтай алады. Жоба құны – 10,8 млрд теңге. “Мунайхим ЛТД” ЖШС-нің жер учаскесінде құрылыс қарқын алған. Мұнда жылына 3 мың тонна дайын өнім шығаратын мұнай-химиялық реагенттер зауыты салынып жатыр. Инвестиция көлемі – 300 млн теңге. 