Ермек Имантаев тұрғындарды қабылдады
Ермек Имантаев тұрғындарды қабылдады
«Ақтөбе» әлеуметтік-кәсіпкерлік корпорациясының басқарма төрағасы Ермек Имантаев бүгін жеке кездесуге жазылған азаматтарды қабылдады. Қала тұрғындары еңбекке орналасу, шаруа қожалықтармен ынтымақтаса жұмыс істеу, «КаР-Тел» компаниясымен бірлескен жобаны жүзеге асыру секілді сұрақтарымен жүгінді.
«Сал ауруына шалдыққан азаматтарды қолдау орталығы» қоғамдық бірлестігінің төрайымы Құралай Бәйменова кездесуде мүмкіндігі шектеулі жандардың ортақ проблемасын көтерді. Оның айтуынша, Ақтөбедегі мекемелер 3 пайыздық жұмыс квотасын сақтамайды. Құралай Базарбайқызы бұл мәселені шешудің бір жолы ретінде жұмыс берушілер мен жұмыс іздеушілердің мүддесі бір арнаға тоғысатын ірі ресурстық орталық немесе жасампаздық қорын құруды ұсынады. «Мүгедектерді жұмысқа ала алмайтын кәсіпорындар ең болмағанда оларды оқыту немесе инватаксимен қамту сияқты кейбір қызметті қаржыландырса», – деді Құралай Бәйменова.
Корпорация басшысы әлеуметтік бағыттағы кез келген бастаманы қолдауға дайын екенін білдірді. Түскен сұрақтардың барлығы жақын уақытта қаралады.