Несие шарттары:

— Несие мерзімі – 1 жыл;

— Сыйақы мөлшерлемесі – жылдық 0,1%;

— Несие мақсаты – айналым қаражатын толықтыру, өнімдерді төмендетілген бағамен сату және оларды бір жыл бойы Ақтөбе облысы аумағында апта сайын жеткізіп, бекітілген бөлшек бағамен өткізу.

Назар аударыңыздар! Тиісті тауар бойынша ресми бөлшек сауда бағасының 90%-нан жоғары баға ұсынуға жол берілмейді. Қатысушы Ақтөбе облысының ағымдағы статистикалық деректеріне сәйкес бағаларды кемінде 10%-ға төмендетуді қамтамасыз етуге міндетті.

Әлеуметтік маңызы бар азық-түлік тауарларының төмендетілген бөлшек бағасын белгілеуге арналған тізім:

— Сүт өнімдері: пастерленген сүт (м.д.ж. 2,5%, 1 л фин/пак), айран (м.д.ж. 2,5%, 1000 г фин/пак), сүзбе (м.д.ж. 9%, 200 г пакет), сары май (м.д.ж. 72,5%, салмақпен);

— Жұмыртқа, 1-санат.

Несие беру үшін кәсіпкерлік субъектілеріне қойылатын негізгі талаптар:

заңды тұлға не жеке кәсіпкер ретінде мемлекеттік тіркелуі;

салықтар мен бюджетке басқа да міндетті төлемдер, сондай-ақ Бірыңғай жинақтаушы зейнетақы қорына міндетті зейнетақы жарналары берешегінің болмауы (ҚР заңнамасына сәйкес төлем мерзімі кейінге қалдырылған жағдайларды қоспағанда), кәсіпкерлік субъектісінен құжаттар қабылданған күнге дейін;

екінші деңгейлі банктер мен жекелеген банктік операцияларды жүзеге асыратын ұйымдар берген кредиттер (заемдар) бойынша мерзімі өткен берешегінің болмауы;

азық-түлік тауарларын сақтауға арналған қойма жайлары мен арнайы жабдықталған үй-жайлардан тұратын, азық-түлік тауарларымен сатып алу, дайындау, бөлу операцияларын жүргізуге мүмкіндік беретін инфрақұрылымдық сауда-логистикалық кешенінің меншік құқығында не өзге заңды негізде (жалдау/қайтарымсыз пайдалану/сенімгерлік басқару) болуы;

мемлекеттік сатып алудың адал емес қатысушыларының тізілімінде болмауы;

мамандандырылған ұйым алдындағы орындалмаған міндеттемелерінің, сондай-ақ атқарушылық құжаттар бойынша орындалмаған міндеттемелерінің, мүлкіне салынған шектеулер мен ауыртпалықтарының болмауы;

міндеттемелердің орындалуын қамтамасыз етуінің болуы. Кәсіпкерлік субъектісі заемды қайтару бойынша міндеттемелерін мамандандырылған ұйым алдында қамтамасыз етеді. Қамтамасыз ету кепіл, банктік кепілдік, сақтандыру шарты, үшінші тұлғалардың кепілдігі/кепілгерлігі түрінде ұсынылады. Міндеттемелердің орындалуын қамтамасыз ету заңнамада көзделген жазбаша түрде ресімделеді.

Өтінімдерді қабылдау мерзімі:  2025 жылдың 26 тамызынан – 31 қазанына дейін.

Қажетті құжаттар тізбегімен қоса еркін нысандағы өтінім мен коммерциялық ұсынысты әлеуетті жеткізуші белгіленген мерзімнен кешіктірмей мына электронды поштаға жолдауға болады: info@spk-aktobe.kz немесе мына мекенжайға әкелу керек: Ақтөбе қ., Маресьев көшесі, 103 «А».

Қосымша ақпарат пен байланыс телефоны: +7 701 128 8634

Қосымша №2 – Жеткізушілерден талап етілетін қажетті құжаттар тізімі.