«Ақтөбе ӘКК» 463,5 млн табысқа қол жеткізді

Облыс әкімі Асхат Шахаровтың төрағалығымен өткен жиында «Ақтөбе ӘКК» қызметінің 9 айдағы жұмысы қорытындыланды. Атқарылған жұмыс пен алдағы жоспар туралы «Ақтөбе» ӘКК басшысы Әуез Тайымбетов өз баяндамасында айтып берді.

ӘКК-ның жұмысын бағалауда осындай есептік жиналыстардың рөлі ерекше, көкейкесті мәселелер талқыланып, алдағы жоспарлар зерделенеді. Мұндай кездесулерді жиі өткізу арқылы жұмыстағы көптеген  бағыт-бағдарды үйлестіруге болады. Бүгін біз атқарылған жұмыс туралы есеп беріп қана қоймай, жетістіктерімізге ерекше тоқталғымыз келеді. Өйткені, ӘКК — ның үлкен ұжымы  жақсы нәтиже көрсетіп отыр, өз тарихында бұрын-соңды болмаған табысқа қол жеткіздік. Бұл көрсеткіш жалпы Ақтөбе облысы үшін үлкен мақтаныш,- деді өз сөзінде «Ақтөбе» ӘКК Басқарма төрағасы Әуез Тайымбетов.

Жобалық жұмыстар бойынша «Ақтөбе» ӘКК ұзақ жылдан бері алғаш рет рекордтық 463,5 млн теңге көлемінде пайда тапты. Бұған дейін  корпорация тапқан табыс небәрі  бірнеше мыңнан аспайтын.  Бұған қоса 2024-ші жылдың 12 айының  қорытындысы бойынша таза пайданың көлемі ұлғаяды деп болжап отырмыз.

«Ақтөбе» ӘКК тағы бір үлкен жетістігі – «Ауыл аманаты» ауыл тұрғындарына жеңілдікпен несие беру бағдарламасына бөлінген қаражатты игеру бойынша орасан зор жұмыс атқарылды.  Жоба іске қосылған сәттен бастап өңірде 15 млрд теңге займ берілді. Несиелік  комитет  барлығы 2 702 өтінімді мақұлдады. 2023-ші жылдың қорытындысы бойынша ЖК, «Ауыл аманаты» жобасының қатысушыларынан бюджетке 93,3 млн теңгеге салық түсті. Сондай – ақ, ауылдарда 2 мыңнан астам жаңа  жұмыс орындары ашылды.

«Ауыл аманаты» бағдарламасы аясында өітінімдерді қарау барысында «Ақтөбе» ӘКК бірыңғай фронт-кеңсесін құрды. Аталған  кеңсе ӘКК контрагенттерінің өтінімдерін «бір терезе» қағидаты бойынша қарап, қабылданған шешімдердің сапасын жақсартуға және  қаржылық тәуекелдерді азайтуға мүмкіндік бермек. Жаңа блок қаржыландаруға берілген өтінімдерді өңдеуге және  индустриалды аймақ резиденттеріне қолайлы жағдай жасау секілді бірнеше маңызды міндеттерді қамтиды.

Бұдан басқа, инвестициялық жобаларды несиелеу жөніндегі жұмыс шеңберінде «Ақтөбе» ӘКК АҚ «Айс» ЖШС-не Гольштейн-фриз  асыл тұқымды 800 мал басын алып,  сүт-тауар фермасын кеңейту жөніндегі жобаны іске асыруда қолдау көрсетті. Жобаның жалпы құны 4,6 миллиард теңгені құрайды, оның 3,25 миллиард теңгесі ӘКК ұсынған жеңілдіктермен қаржыландырылды: жылдық ставкасы 2,5%, 2 жылға дейін жеңілдік қарастырылған,  несие мерзімі — 10 жыл.

Бұл жоба Қазақстан Республикасының агроөнеркәсіптік кешенін дамыту тұжырымдамасына сай келеді  және «Айс плюс» ЖШС ішкі өндірісі үшін меншікті шикізат тапшылығын жоюға бағытталған.

Қазіргі уақытта сүттің 30% – дан астамы үшінші тараптан  сатып алынады, бұл оның құнын арттырады. Дейтұрғанмен, елімізде сүт өндірісі  үшін шикізат тапшылығы бар, ал «Айс» компаниясы Ақтөбе облысындағы ең ірі сүт өңдеушілердің бірі,  “фермадан сөреге дейінгі” өндірістің барлық сатысын қамтиды.

Ферманың кеңеюімен қосымша 3 000 гектар өңделетін болады, қазіргі 3 мың мал басы тағы 3 800-ге ұлғаяды және сүт сауу да  екі есеге артады. Айта кету керек, «Ақтөбе» ӘКК АҚ осы осы жобаны қолға алған кезде   алғаш рет жобалық қаржыландыру тәсілдерін қолданды.

2024-2025 жылдардың 4 және 1-тоқсандарына «Ақтөбе» ӘКК жұмыстың негізгі бағыттары мен іс-қимыл жоспарын әзірледі, оған мыналар кіреді: өңірлік экономиканы дамытуға және инвестициялар тартуға бағдарланған 2025-2030 жылдарға арналған ұзақ мерзімді стратегияны құру, жұмыс тиімділігін арттыру және компания ішіндегі процестерді оңтайландыру үшін автоматтандыруды енгізу, жарғылық капиталды толықтыру арқылы қаржы тарту, жасыл және әлеуметтік облигацияларды шығару арқылы   ірі жобаларды жүзеге асыру. Сондай-ақ, жобаларды  қаржыландырудың ауқымын кеңейту  мақсатында осы  қаражатты араластыру жоспарлануда.

Бұл қадамдар мен жаңа тәсілдер «Ақтөбе» ӘКК ірі инвестициялық бастамаларды іске асыруды жеделдетуге, сондай-ақ Корпорация жұмысының тиімділігін арттыруға, өңір мен ел экономикасын  дамытуда  жетекші өңірлік даму институтына айналуына  мүмкіндік береді.