Алға қаласында «Нұрлы жер» мемлекеттік тұрғын үй- коммуналдық шаруашылықты дамыту бағдарламасы аясында көппәтерлі 4 тұрғын үй қайта жаңғыртылды.

Ақтөбе облысы әкімінің 2021 жылғы 25 тамыздағы № 284 қаулысымен 2020-2025 жылдарға арналған «Нұрлы жер» мемлекеттік тұрғын үй-коммуналдық шаруашылықты дамыту бағдарламасы шеңберінде кондоминиум объектілерінің ортақ мүлкін күрделі жөндеу бойынша өңірлік оператор болып «Ақтөбе ӘКК» АҚ тағайындалды.

2021-2022 жылдарға республикалық бюджеттен 26 көп қабатты тұрғын үйді күрделі жөндеуден өткізуге 1,0 млрд теңгеге жуық қаражат бөлінді. Оның ішінде Ақтөбе қаласында 18, Алға қаласында 6,  Хромтау қаласында  2 көппәтерлі тұрғын үйде қайта жаңғырту жүргізіледі.              Бюджеттік несие қаражаты есебінен күрделі жөндеуге жататын көппәтерлі тұрғын үйлердің тізбесін қалыптастыру үшін жергілікті атқарушы органдар пәтер иелерінің келісімімен, кондоминиум объектісінің ортақ мүлкіне техникалық тексеру  және күрделі жөндеу жүргізуге жобалық-сметалық құжаттамаларды әзірлеп «Ақтөбе» ӘКК АҚ тапсырады.