“Ақтөбе” индустриялық аймағында жұмысшыларға сұраныс бар

«Ақтөбе» индустриялық аймағында орналасқан кәсіпорындарға жұмысшылар керек. Мәселен, құрылысы аяқталып қалған, қағаз өнімдерін шығаратын «Lucrum Star» зауытына 10 жұмысшы, 3 еден жуушы қажет. Антрифриз, әйнек жуатын сұйықтық шығаратын «Ақтөбе TOPSA Пласт» компаниясы 2 адамды жұмысқа қабылдайды. Ал, резеңке жабындар жасайтын «TALAN Technology» цехына жасы 45-ке дейінгі 10 ер адам қажет. Полиэтилен пакет жасайтын «Поливест» компаниясы 20 шақты адамды жұмысқа алады. Жұмысқа орналасу үшін аталмыш кәсіпорындарға немесе қалалық халықты жұмыспен қамту орталығына жолығу керек. Орталық өкілдері кеше индустриялық аймақта болып, өндіріс орындары басшыларына жұмысшыларды қалалық жұмыспен қамту орталығы арқылы қабылдауды ұсынды.