«Ақтөбе» ӘКК» АҚ агроөнеркәсіптік кешендегі инвестициялық жобаларды іске асыру үшін бюджеттік кредиттер беру мақсатында өтінімдер қабылдайтынын хабарлайды:

• сүт-тауар фермалары (қуаттылығы 400-ден 1500 басқа дейін);
• ет бағытындағы құс фабрикалары (жылына 5000 тоннадан бастап құс еті);
• етті мал шаруашылығы кәсіпорындары (5000 бастан бастап);
• бордақылау алаңдары (5000 бастан бастап);
• ет өңдеу кәсіпорындары (сағатына 8 шартты бастан бастап);
• ауыл шаруашылығы жануарларына арналған мал базарлары (сыйымдылығы 10 000 бастан бастап);
• көкөніс сақтау қоймалары (1000 тоннадан бастап);
• жеміс сақтау қоймалары (1000 тоннадан бастап);
• өнеркәсіптік жылыжай шаруашылықтары;
• ауыл шаруашылығы өнімдерін терең өңдеу кәсіпорындары, оның ішінде жүн мен теріні өңдеу, сондай-ақ құрама жем өндіру;
• акваөсіру нысандарын өсіру шаруашылықтары (жылына 25 тоннадан бастап);
• құс шаруашылығындағы асыл тұқымды репродукторлар;
• су үнемдеу технологияларын қолдана отырып, суармалы егіншілік жобалары (картоп, көкөністер, мал азығы өндірісі);
• қой шаруашылығы фермалары (5000 бастан бастап);
• жұмыртқа бағытындағы құс фабрикалары (жылына 80 млн жұмыртқадан бастап);
• мал сою пункттері және мал шаруашылығы өнімдерін өңдеу кәсіпорындары. 

Қаржыландыру Қазақстан Республикасы Ауыл шаруашылығы министрінің 2023 жылғы 31 тамыздағы №322 бұйрығына сәйкес жүзеге асырылады «Агроөнеркәсіптік кешен саласындағы жобаларды кредиттеу қағидаларын бекіту туралы» (Қазақстан Республикасы Әділет министрлігінде 2023 жылғы 1 қыркүйекте №33364 болып тіркелген):

Өтінім қабылдау мерзімі:

Өтінімдер 7 сәуірге дейін (қоса алғанда) қабылданады.

Негізгі кредиттеу шарттары:

• кредит мерзімі — 10 жылға дейін;
• сыйақы мөлшерлемесі — жылдық 2,5%;
• мақсатты бағыты — агроөнеркәсіптік кешенді құру және кеңейту;
• негізгі қарызды өтеу бойынша жеңілдік кезеңі — 24 айға дейін;
• міндетті қоса қаржыландыру — жоба құнының кемінде 10%-ы;
• қамтамасыз ету (кепіл) — кредит сомасының кемінде 30%-ы.

Жобаларға қойылатын негізгі талаптар:

1. әлеуметтік маңызы бар азық-түлік тауарларын импортты алмастыруды ескере отырып, салалық негізділігі;

2. өңір халқын сапалы және қолжетімді азық-түлік өнімдерімен қамтамасыз ету;

3. уақытша және тұрақты жұмыс орындарын құру;

4. өтініш берушінің ауыл шаруашылығы өнімдерін өндіру және (немесе) өңдеу саласында кемінде 5 (бес) жыл жұмыс тәжірибесінің болуы, не кәсіпорын басшысының осы салада кемінде 5 (бес) жыл еңбек өтілінің болуы;

5. кредиттік есеппен расталған, кредиттік және лизингтік міндеттемелер бойынша 90 (тоқсан) күннен астам мерзімі өткен берешектің болмауы;

6. берік жем-шөп базасын қалыптастыру үшін қажетті ауыл шаруашылығы жерлерінің және ауыл шаруашылығы техникасымен материалдық-техникалық қамтамасыз етілуінің болуы;

7. салықтар мен бюджетке төленетін басқа да міндетті төлемдер бойынша мерзімі өткен берешектің болмауы;

8. Қазақстан Республикасының «Оңалту және банкроттық туралы» Заңына сәйкес тарату, банкроттық, оңалту рәсімдерінің, сондай-ақ қызметтің тоқтатылуының болмауы;

9. бюджет қаражаттарына жатпайтын тиісті құжаттармен расталған, қарыз алушы тарапынан жоба құнының кемінде 10%-ы мөлшерінде қоса қаржыландырудың болуы;

10. Қазақстан Республикасының заңнамасына сәйкес рәсімделген, меншік құқығын және бағалау құнын растайтын құжаттары бар, кредит сомасының кемінде 30%-ын құрайтын өтімді кепіл мүлкімен қамтамасыз ету;

11. Қазақстан Республикасының «Қазақстан Республикасындағы сәулет, қала құрылысы және құрылыс қызметі туралы» Заңының 9-1-тарауына сәйкес жобаның оң сараптама қорытындысының болуы (сараптама алуды талап ететін жобалар бойынша).

Қажет болған жағдайда жобаның оң сараптама қорытындысының болуы.

Барлық сұрақтар бойынша, сондай-ақ толық кеңес алу және қажетті құжаттар тізбесін білу үшін, «Ақтөбе» ӘКК» АҚ-ға келесі мекенжай бойынша хабарласуыңызды сұраймыз:

Ақтөбе қаласы, Маресьев көшесі, 103А

Байланыс телефоны: +7 702 112 25 24