Түрік инвесторлары «Ақтөбе» индустриялық аймағында құрылыс материалдарын шығаратын зауыт ашуға ниетті

«Резиденс Констракшн» компаниясы жобаға 5 млн доллар инвестиция құюды жоспарлап отыр. «Ақтөбе» әлеуметтік-кәсіпкерлік корпорациясының басқарма төрағасы Ермек Имантаев пен «Резиденс Констракшн» компаниясы директорының орынбасары Мұстафа Бидав жобаны жүзеге асыру кезіндегі ынтымақтастық туралы меморандумға қол қойды. Инвестор индустриялық аймақтан 5 гектар жер сұрап отыр. Зауытта көпқабатты тұрғын үйлердің қасбетін қаптайтын материал шығарылады.
⠀
Ал, «ЗАМАН ТРЕЙД» компаниясы индустриялық аймақтан 1 гектар жер алып, жеделсаты зауытын салмақ. Жобаның құны – 5 млн доллар. Компания директоры Бекжан Асаухан мен корпорацияның басқарма төрағасы Ермек Имантаев бұл іскерлік ниетті құжат жүзінде бекітті.