«HALYQ SAYDA» шағын көтерме сауда орталығы Байғанин ауданында ауылшаруашылығы өнімдерінің жәрмеңкесін өткізді

«HALYQ SAYDA» шағын көтерме сауда орталығының дүкендер желісі «Ақтөбе» әлеуметтік-кәсіпкерлік корпорациясының қолдауымен Байғанин ауданда тұңғыш рет ауылшаруашылығы өнімдерінің жәрмеңкесін өткізді. Жәрмеңкеге 20 тонна картоп, 2 тоннадан сәбіз, пияз және қырыққабат, сонымен бірге, ұн, қарақұмық, шекер, күріш, өсімдік майы, макарон және шұжықтың бірнеше түрі әкелінген. Көкөністің келісі 85 теңгеден сатылды.  «HALYQ SAYDA» тауар белгісімен шығатын антисептик пен жуу құралдары да аудан тұрғындарына ұсынылды.

Ал, Ақжар-2 ауданында өткен сенбіде «HALYQ SAYDA» шағын көтерме сауда орталығының 11-ші дүкені ашылды. Мұнда әлеуметтік маңызды азық-түлік тізіміне енген тауарлар арзан бағамен сатылады.  Дүкеннің ашылуына орай, есік алдында дәстүрлі ауыл шаруашылығы жәрмеңкесі ұйымдастырылды. Онда «СХФ Пригородный» шаруа қожалығында өсірілген 2,4 тонна пияз, 900 кг сәбіз, 900 кг қырыққабат, 10 тонна картоп 79 теңгеден және «Ақтөбе-Ет» сауда белгісінің 200 кг сиыр еті 1600-2000 теңгеден сатылды. Ақжар-2 ауданындағы «HALYQ SAYDA» шағын көтерме сауда дүкені К.Мұхаметханов көшесі, 37 үй мекен-жайы бойынша №45-мектеп маңында орналасқан.

«HALYQ SAYDA» дүкендер желісінің директоры Оғылан Кенетаевтың айтуынша, жәрмеңке өткізуді сұраушылар көп. Сол себепті алдағы уақытта Ақтөбе облысының өзге аудандарында осындай жәрмеңкелер  ұйымдастыру мәселесі қарастырылып жатыр.